ვანო
ენუქიძე

ივანე (ვანო) ენუქიძე (1907-1979) მრავალმხრივი განათლების მქონე ქართველი მხატვარია. 1929 წელს ვანო ენუქიძე არალეგალურად გადავიდა პარიზში, სადაც მან თავი დაიმკვიდრა, როგორც მხატვარმა.

ვანო ენუქიძის ნამუშევრები საჯაროდ პირველად 1958 წელს გამოიფინა. მონაწილეობა მიიღო პარიზის თანამედროვე ხელოვნების მუზეუმში გამართულ ჯგუფურ გამოფენაში სახელწოდებით „Salon d'Art Sacré et Réalités Spirituelles“. 1958-1979 წლებში, ვანო ენუქიძე რეგულარულად თანამშრომლობდა სხვადასხვა გალერეასთან და ასევე მონაწილეობდა „დამოუკიდებელთა სალონის“ (Salon des Indépendants) გამოფენებში. საფრანგეთის გარდა, ენუქიძეს ჰქონდა პერსონალური და ჯგუფური გამოფენები იტალიაში, გერმანიაში, შვედეთსა და შვეიცარიაში, სადაც გამოიფინებოდა ფსევდონიმით VANO . მისი რამდენიმე ნამუშევარი პარიზის თანამედროვე ხელოვნების მუზეუმმა (Musée d'Art Moderne de la Ville de Paris) შეიძინა.